ആദ്യം മുങ്ങിയ കടൽ
നീയായിരുന്നു
അറ്റമില്ലാതെ ആഴം തീരാതെ
തിരയൊടുങ്ങാതെ കാറ്റടങ്ങാതെ
അങ്ങനെയങ്ങനെയൊക്കെ ഇവിടുണ്ട്

ഇതിലുള്ളതെല്ലാറ്റിലുമിതിലില്ലാത്തതെവി
ടെയുമില്ലന്നറിയിച്ച വ്യാസപ്രപഞ്ചമേ
നിന്നുച്ഛിഷ്ടത്തിൽ എന്നുശ്വാസം തുടങ്ങി

പിന്നെ നാട്ടുകായലിലേക്കായിരുന്നു
മീനുണ്ട് ഞണ്ടുണ്ട് മണമുണ്ട്
കുഞ്ഞ് തിര , തുഴഞ്ഞാലെത്തുന്ന മറുകര
കണ്ടുതീർക്കാവുന്ന ആകാശം
ചെറിയപായ് വഞ്ചികൾ

അവിടെന്നെന്റെ കൈപ്പുഴ
കിലുക്കമുണ്ട്,തെളിമയുണ്ട്
കുളിർമ്മയുണ്ട്
മേലാകാശത്തിന്‌ നീലിമയും

ഒടുവിലാ
നീരുറവ
ഹൊ
ഒഴുകിത്തീരാതെ......